غزل
طاہرانجم صدیقی
"نئے اجالوں کے جلتے چراغ روندے گئے"
مری قبا پہ ستاروں کے داغ روندے گئے
کرو نہ تذکرہ سورج کا تم اندھیروں میں
اسی خطا پہ تو روشن دماغ روندے گئے
ہوا تھا یوں کہ اندھیروں پہ احتجاج کیا
ہوا یوں چاند ستاروں کے باغ روندے گئے
حرام کردی گئی روشنی اندھیروں پر
طلوعِ صبح کے سارے سراغ روندے گئے
جلے چراغ لویں کاٹ دیں زمانے نے
بجھے چراغ بنامِ فراغ روندے گئے
انڈیلنے کو چلے روشنی مناظر میں
صراحی چھِن گئی طاہرؔایاغ روندے گئے
غزل
طاہرانجم صدیقی
"نئے اجالوں کے جلتے چراغ روندے گئے"
مری قبا پہ ستاروں کے داغ روندے گئے
اسی خطا پہ تو روشن دماغ روندے گئے
ہوا یوں چاند ستاروں کے باغ روندے گئے
طلوعِ صبح کے سارے سراغ روندے گئے
بجھے چراغ بنامِ فراغ روندے گئے
صراحی چھِن گئی طاہرؔایاغ روندے گئے
